Termiz aeroporti samolyotlarni Samarqandga yo‘naltirmoqda
Jamiyat
−
25 dekabr 2024
9091Termiz aeroportida tuman sababli samolyotlar muqobil aerodromga yo‘naltirilmoqda. Bu haqda Uzbekistan Airports xabar berdi.
Qayd etilishicha. Termiz aeroportida noqulay ob-havo sharoiti (tuman) tufayli Air Samarkand aviakompaniyasining Jidda-Termiz yo‘nalishi bo‘yicha UZS412 reysi Samarqanddagi muqobil aerodromga yo‘naltirilgan.
Shuningdek, Uzbekistan Airways aviakompaniyasining Moskva-Termiz yo‘nalishi bo‘yicha HY9610 reysi ekipaji Samarqanddagi muqobil aerodromga yo‘l olishga qaror qilgan.
Eslatib o‘tamiz, avvalroq Toshkent xalqaro aeroportida noqulay ob-havo sharoiti (tuman) tufayli havo kemalarini qabul qilishga cheklovlar joriy etilgan edi.
LiveBarchasi
Trenddagilar


