Tashqi ishlar vaziriga yangi o‘rinbosar tayinlandi
Jamiyat
−
22 Oktabr
2388O‘zbekiston Respublikasi Prezidentining qaroriga muvofiq, Olimjon Suyunovich Abdullayev O‘zbekiston Respublikasi Tashqi ishlar vazirining o‘rinbosari etib tayinlandi. Bu haqda TIV matbuot xizmati xabar berdi.
Olimjon Abdullayev ko‘p yillar davomida Tashqi ishlar vazirligi tizimida ishlagan. Hozirgi lavozimga tayinlangunga qadar 2021-2024 yillar davomida O‘zbekistonning Frankfurt-Mayn shahridagi (Germaniya) bosh konsuli lavozimida ishlagan.
Eslatib o‘tamiz, joriy yilning iyul oyida “O‘zto‘qimachiliksanoat” uyushmasi raisi, shuningdek, O‘zbekiston Respublikasining Ukrainadagi Favqulodda va muxtor elchisi (2006-2009 yillarda) lavozimlarida ishlagan Ilhom O‘tkurovich Haydarov O‘zbekiston Respublikasi Tashqi ishlar vazirining o‘rinbosari etib tayinlangandi.
LiveBarchasi
22 Oktabr