Talabalar uchun qishki ta’til muddati e’lon qilindi
Jamiyat
−
27 noyabr 2023 59084
Oliy ta’lim, fan va innovatsiyalar vazirligining buyrug‘i bilan O‘zbekistondagi barcha oliy, o‘rta maxsus va professional ta’lim (davlat, nodavlat, xorijiy) muassasalarida qishki ta’til muddati belgilandi.
Bu haqda Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi ma’lum qildi.
Unga ko‘ra, qishki ta’til joriy yilning 25 dekabridan 2024 yilning 7 yanvarigacha deb belgilangan. Ta’til 13 kalendar kun davom etadi va darslar 8 yanvar, dushanbadan boshlanadi.
