Sirdaryoda bolaga oyog‘ini uqalatgan bog‘cha opa ishdan bo‘shatildi
3-sahifa
−
11 iyul 2024 7696 1 daqiqa
Ijtimoiy tarmoqlarda Sirdaryo viloyatida tarbiyachi bog‘cha tarbiyalanuvchisiga oyog‘ini “massaj” qildirgani aks etgan video tarqaldi. Holat yuzasidan viloyat Maktabgacha va maktab ta’limi boshqarmasi rasmiy munosabat bildirdi.
Aniqlanishicha, videodagi holat Oqoltin tumanidagi 2-sonli davlat maktabgacha ta’lim tashkilotida tasvirga olingan.
Holat yuzasidan tumandagi barcha davlat maktabgacha ta’lim tashkiloti rahbarlari va bo‘lim xodimlari ishtirokida yig‘ilish bo‘lib o‘tgan va ushbu voqea atroflicha muhokama qilingan. Muhokama qaroriga muvofiq 2-sonli davlat maktabgacha ta’lim tashkiloti tarbiyachisi N.X bilan tuzilgan mehnat shartnomasi bekor qilingan.
Eslatib o‘tamiz, avvalroq Xorazmda yosh bolalarning yuziga tarsaki tushirgan tarbiyachi ishdan bo‘shatilgani xabar qilingandi.
Live
BarchasiPutin Imomali Rahmonga ta’ziya bildirdi.
22 dekabr
