Sirdaryoda 215 mln so‘m qimmatiga ekskavator sotib olgan mas’ullar qo‘lga tushdi

3-sahifa

−

20 Fevral 2024 visibility11154 timer1 daqiqa

Sirdaryo viloyati Mirzaobod tumanida “Ekskavator-pogruzchik” texnikasini qimmat narxda xarid qilib, byudjet mablag‘larini o‘zlashtirish holati aniqlangan. Bu haqda Bosh prokuratura huzuridagi departament xabar bermoqda.

Aniqlanishicha, tuman obodonlashtirish boshqarmasi mas’ul shaxslari “Ekskavator-pogruzchik” texnikasini haqiqiy bahosidan 215,1 mln so‘mga qimmat narxda xarid qilib, byudjet mablag‘larini rastrata qilish yo‘li bilan talon-toroj qilgan.

Qayd etilishicha, mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.

Eslatib o‘tamiz, oldinroq Mirziyoyev byudjet pulini “shishirilgan” xarajatlar hisobiga sarflanishini tanqid qilgandi.

Sarvar Xurramov

Maqola muallifi