Shomurodov assist qayd etgan o‘yinda “Spetsiya” A Seriyani tark etadigan bo‘ldi

Italiya A Seriyasida qolish uchun kechgan bahsda tarkibida o‘zbekistonlik hujumchi Eldor Shomurodov bo‘lgan “Spetsiya” kecha, 11 iyun kuni “Verona”ga qarshi bahs olib bordi. 

“Spetsiya” va “Verona” jamoalari 2022/2023 yilgi mavsumda A Seriya yakunlariga ko‘ra 38 turda 31 ochkodan yig‘ib, 17 hamda 18-pog‘onalardan joy oldi. 

Yakuniga yetgan mazkur mavsumda bir xil ochko jamg‘argan klublarga yangicha reglament qoidalari asosida, ligada qolish o‘yini belgilandi. 

Uchrashuv avvalida veronaliklar ancha faol o‘ynadi va 5-daqiqada Davide Faraoni “Spetsiya” darvozasini ishg‘ol qildi. Eldor Shomurodovning 15-daqiqada yo‘llagan aniq uzatmasini Itan Ampadu golga aylantirib, hisobni tenglashtirdi. Biroq birinchi bo‘lim yakuniga qadar “Verona” farqni 2 taga oshirib qo‘ydi.

Uchrashuvning ikkinchi bo‘limida Shomurodov raqib darvozaboni bilan birga-bir vaziyatga chiqib bordi va u yo‘llagan to‘pni veronalik yarim himoyachi Davide Faraoni qo‘li bilan qaytarib qoldi. Hakam tomonidan penalti belgilandi va Faraoni o‘yindan chetlatildi. 

O‘zbekistonlik hujumchi ishlab bergan penaltini jamoadoshi M'Bala Nzola muvaffaqiyatli amalga oshira olmadi. O‘yin so‘nggigacha hisob o‘zgarishsiz, 1:3 ligicha qoldi.

Shu tariqa “Spetsiya” A Seriyadagi uch mavsumdan keyin quyi liga, B Seriyaga ketadigan bo‘ldi.

Muhsinjon Umurzoqov