Serxio Ramosning AQSH klubiga o‘tishiga bir qadam qoldi

AQSHning “Inter Mayami” klubi Serxio Ramos bilan shartnoma imzolashiga bir qadam qoldi. Bu haqda “Diario Sport” xabar berdi.

Ma’lum qilinishicha, “Inter Mayami” o‘tgan mavsum oxirida PSJ bilan shartnomasini bekor qilgan ispaniyalik himoyachi Serxio Ramos bilan kelishishga yaqin turibdi. Bitim amalga oshadigan bo‘lsa, 37 yoshli forvard MLS klubiga erkin agent sifatida ko‘chib o‘tadi.

Bunga qadar Devid Bekxem qo‘l ostidagi AQSH klubi Lionel Messi, Serxio Buskets va Xordi Alba kabi dunyoning nomdor futbolchilari bilan shartnoma imzolashga ulgurgan.

Ma’lumot uchun, Serxio Ramos 2022/2023 yilgi mavsumda PSJ safida 33 ta o‘yinda maydonga tushib, 2 ta gol va 1 ta golli uzatmaga mualliflik qildi. 

Eslatib o‘tamiz, avvalroq Argentinalik futbolchi Lionel Messining “Inter Mayami”dagi debyut o‘yinini Amerika televideniyesida rekord o‘rnatgan edi. Mazkur bahs zangori ekran qarshisiga 12,5 million tomoshabinni jalb qila olgan.