Senatning 25-yalpi majlisi boshlandi. 20 daqiqa o‘tdi, va’da bajarilmadi

O‘zbekiston Respublikasi Oliy Majlisi Senatining yalpi majlislarini to‘g‘ridan-to‘g‘ri efirda kuzatish imkoniyati 24-yalpi majlisda yo‘lga qo‘yilgan edi.

Bugun, 14 dekabr kuni Senatning 25-yalpi majlisi o‘z ishini boshladi. Navbatdagi yalpi majlis ham Senatning ijtimoiy tarmoqdagi sahifasi va YouTube orqali to‘g‘ridan-to‘g‘ri namoyish etilishi va’da qilingan edi. Ammo, oradan 20 daqiqa o‘tdi hamki, onlayn translyatsiyadan darak yo‘q. Yo senatorlar kameralar yongunga qadar ayrim muhokamalarni xalq nazoratidan xoli o‘tkazishmoqchimi? 

Ma’lumot o‘rnida, Senatning 25-yalpi majlisida 85 nafar senator ishtirok etmoqda. 

Yalpi majlisda senatorlar quyidagi qonun hujjatlari hamda muhim masalalarni muhokama qiladi:

•    “O‘zbekiston Respublikasining Soliq kodeksi to‘g‘risida”gi;
•    “O‘zbekiston Respublikasi Soliq kodeksining qabul qilinishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun xujjatlarini o‘z kuchini yo‘qotgan deb topish to‘g‘risida”gi;
•    “Davlat boji to‘g‘risida”gi;
•    “Investitsiyalar va investitsiya faoliyati to‘g‘risida”gi;
•    “Maxsus iqtisodiy zonalar to‘g‘risida”gi;
•    “O‘zbekiston Respublikasi Milliy gvardiyasi to‘g‘risida”gi;
•    “Maktabgacha ta’lim va tarbiya to‘g‘risida”gi O‘zbekiston Respublikasi qonunlari.