Saudiya Arabistoniga safar qilayotganlar uchun yengillik berildi

Saudiya Arabistoni Podshohligiga safar qilayotgan ziyoratchilar uchun PZR test ma’lumotini taqdim etish tartibi bekor qilindi. Bu haqda Din ishlari bo‘yicha qo‘mita Matbuot xizmati xabar berdi.

Qayd etilishicha, Saudiya Arabistoni Podshohligi Aviatsiya Boshqarmasi “GACA” Podshohlikka keluvchi yo‘lovchilar uchun COVID-19 bilan bog‘liq ba’zi cheklovlarga o‘zgartirish kiritgan.

Unga ko‘ra, endilikda koronavirus mavjud emasligi haqidagi manfiy natijaga ega bo‘lgan QR-kodli PZR test ma’lumotini SAPga kirishda taqdim etish tartibi bekor qilinmoqda.

“Umra-2022” mavsumida Saudiya Arabistoni Podshohligiga safar qilayotgan ziyoratchilar uchun safardan oldin olinadigan PZR test ma’lumotini taqdim etish tartibi bekor qilinganini ma’lum qilamiz.”, deyiladi xabarda.

Eslatib o‘tamiz, Umra dasturida safar qiluvchi ziyoratchilar koronavirusga qarshi quyidagi vaksinalardan biri bilan emlangan bo‘lishi talab etiladi:

•  Pfizer/BioNTech;
•  Oxford-AstraZeneca;
•  Moderna;
•  Johnson & Johnson.