“Barselona”da inqiroz: Ispaniya Kubogi ham boy berildi

Kecha, 25 may kuni Vilyarreal shahridagi “Benito Vilyamarin” stadionida Ispaniya Kubogi finali bahsi o‘tkazildi. Finalda to‘qnash kelgan “Barselona” va “Valensiya” o‘rtasidagi bahsda La Liga g‘olibi hech narsa qila olmadi.

Qizg‘in va keskin kurashlar ostida o‘tgan bahsda “Valensiya” birinchi bo‘limda ikkita gol urib, hisobda o‘z ustunligini mustahkamlab oldi. Dastlab Gameyro hisobni ochgan bo‘lsa, oradan 11 daqiqa o‘tib Rodrigo farqni ikkitaga oshirgandi. 

Tanaffusdan so‘ng Messi ikkinchi bo‘lim o‘rtasida farqni qisqartirdi. Ammo bahs yakuniga qadar “Barselona” muvozanatni tiklovchi golni urishni uddasidan chiqmadi va natijada “Valensiya” Ispaniya Kubogida g‘olib chiqdi.

Ispaniya Kubogi finali.

"Barselona" – "Valensiya" 1:2 (0:2, 1:0).
25 may, Vilyarreal shahri, “Benito Vilyamarin” stadioni.

Gollar: 0:1 – Gameyro (21), 0:2 – Rodrigo (33), 1:2 – Messi (73).

"Barselona": Sillessen, Langle, Pike, Alba, Serdji Roberto, Koutino, Buskets, Artur (Vidal, 46), Rakitich (Alenya, 76), Nelson Semedu (Malkom, 46), Messi.

"Valensiya": Domenek, Gabriel, Garay, Gayya, Soler, Vass, Koklen, Parexo (Kondogbia, 65), Gedesh, Rodrigo (Diakabi, 88), Gameyro (Pichchini, 72).

Ogohlantirishlar: Gayya (53), Buskets (61), Kondogbia (70), Vidal (89).