Samarqandning ikki tumaniga yangi bosh soliqchi tayinlandi
Jamiyat
−
04 may 2019 4486
Sindorov Zafar Bolmanovich Samarqand viloyatining Samarqand tumani davlat soliq inspeksiyasi boshlig‘i etib tayinlandi. Bu haqda DSQ Matbuot xizmati xabar bermoqda.
Z. Sindarov 1975 yilda Samarqand viloyatida tug‘ilgan. 1994 yili Samarqand moliya texnikumi, 1999 yili Samarqand qishloq xo‘jaligi instituti, 2002 yili Bank-moliya akademiyasini tamomlagan. U soliq tizimidagi faoliyatini Samarqand viloyati davlat soliq boshqarmasi Savdo va xizmat ko‘rsatish sohalarini nazorati bo‘limi ish yurituvchisi lavozimida boshlagan.
Yangi lavozimga tayinlangunga qadar Navoiy viloyati davlat soliq boshqarmasi boshlig‘ining o‘rinbosari vazifasida ishlagan.
Shuningdek, Eshmurodov Sherzod Sindarovich Bulung‘ur tumani davlat soliq inspeksiyasi boshlig‘i etib tayinlandi.
Sh.Eshmurodov 1986 yilda Samarqand viloyatida tug‘ilgan. 2008 yili Toshkent moliya institutini tamomlagan. U soliq tizimidagi faoliyatini Samarqand viloyat davlat soliq boshqarmasi EHM operatori lavozimida boshlagan.
Yangi lavozimga tayinlangunga qadar Samarqand viloyati Davlat soliq boshqarmasi Kameral nazorat bo‘limi boshlig‘i o‘rinbosari vazifasida ishlagan.
