Samarqandda to‘y va motam marosimlari o‘tkazishning qat’iy tartibi belgilandi

Jamiyat

image

Samarqand shahrida to‘ylar va boshqa oilaviy marosimlarni o‘tkazish uchun qat’iy tartib belgilandi. Xalq deputatlari Samarqand Kengashining o‘n uchinchi sessiyasida to‘ylar, oilaviy tantanalar, ma’raka va marosimlarni o‘tkazish tartibi ko‘rib chiqildi. Bu haqda shahar hokimligi Matbuot xizmati xabar berdi.

Kengash qaroriga ko‘ra, karantin davrida O‘zbekistonga koronavirusning yangi turi kirib kelishi va tarqalishining oldini olish bo‘yicha chora-tadbirlar dasturini tayyorlash bo‘yicha respublika maxsus komissiyasi qaroriga qat’iy rioya qilgan holda to‘y, oilaviy tantana, ma’raka va marosimlar faqat bir kun soat 06:00 va 23:00 oralig‘ida 30 nafar ishtirokchi bilan o‘tkazilishi belgilandi.

Qarorga muvofiq, to‘y o‘tkazuvchi shaxslar to‘ydan kamida bir hafta oldin yashash joyidagi fuqarolarning o‘zini o‘zi boshqarish organlari (mahalla)ni xabardor qilishi zarur. Shuningdek, milliy an’analarga yot “kelin navkari”, “chorlar”, “ota ko‘rdi”, “sep yoydi”, “quda chaqirdi”, “kuyov chaqirdi”, “kelin chaqirdi”, “tog‘ora yuborish” kabilarni o‘tkazishga yo‘l qo‘yilmaydi.

Dafn etish va motam marosimlari bilan bog‘liq ortiqcha tadbirlar -“yetti”, “payshanbalik”, “yakshanbalik”, “yigirma”, “qirq”, “hayit”, “yil oshi”, “pul tarqatish”, “mato ulashish” kabilarni o‘tkazish ta’qiqlanadi.


Maqola muallifi

Teglar

to'y motam

Baholaganlar

639

Reyting

3

Maqolaga baho bering

Doʻstlaringiz bilan ulashing