Samarqandda 4 ta avtomobil to‘qnashdi

Bugun, 17 avgust kuni soat 10:30 larda, Samarqand viloyati, Pastdarg‘om tumanida 4 ta avtomobil ishtirokida yo‘l-transport hodisasi sodir bo‘ldi. Bu haqda YHXBB xabar berdi.

YTH tuman hududidan o‘tgan 4R-46 avtomobil yo‘lining 22-kilometrida haydovchi, 1961 yilda tug‘ilgan A.Ya. Lacetti rusumli avtomobilda qarama-qarshi yo‘nalishga chiqib ketishi oqibatida, haydovchi 1986 yilda tug‘ilgan X.B. boshqaruvidagi “Vaz-21063” rusumli, haydovchi, 1992 yilda tug‘ilgan Sh.M. boshqaruvidagi “Vaz-21011” rusumli hamda haydovchi 1981 yilda tug‘ilgan G‘.X. boshqaruvidagi Damas rusumli avtomobil ishtirokida to‘qnashuv sodir bo‘lgan.

Natijada, “Vaz-21011” rusumli avtomobil yo‘lovchisi Z.B. og‘ir tan jarohatlari bilan voqea joyida vafot etgan. Shuningdek, ikki nafar fuqaro tan jarohati bilan shifoxonaga olib ketilgan.

Mazkur YTH yuzasidan Pastdarg‘om tumani IIB huzuridagi tergov bo‘limi tomonidan dastlabki tergovoldi surishtiruv harakatlari olib borilmoqda.