Saakashvili Gruziya hokimiyatiga qaytmoqchi

Gruziyaning sobiq Prezidenti Mixail Saakashvili yaqin oylarda "o‘z davlatchiligini tiklash" uchun vataniga qaytish niyatida ekanini aytdi. Bu haqda Ria Novosti xabar bermoqda.

Saakashvili va uning partiyasi Gruziyada 2012 yil kuzida bo‘lib o‘tgan Parlament saylovlaridan to‘qqiz yil oldin, "Gruziya orzusi" hokimiyat tepasiga kelgan paytda boshqargan. U 2013 yilda Gruziyani tark etgan. Gruziyada unga qarshi bir qator jinoiy ishlar qo‘zg‘atildi, ba’zilarida u sirtdan qamoq jazosiga hukm qilindi. Saakashvili milliy qidiruvga berildi. Gruziya rasmiylari sobiq Prezidentni chegarani kesib o‘tishi bilan hibsga olishlarini bir necha bor ta’kidlagan.

"Men yaqin oylarda Gruziyaga qaytishni rejalashtirmoqdaman. Yashirin narsa yo‘q. To‘g‘ri, Ukrainada o‘zimni yaxshi his qilyapman, lekin siz vataningizni yo‘qotib qo‘yganingizda ...", dedi Saakashvili. 

Uning so‘zlariga ko‘ra, Gruziyaga qaytib, u "o‘z davlatchiligini tiklamoqchi".

2015 yil bahorida Saakashvili Ukraina siyosatiga kirib keldi, o‘sha paytda Ukraina Prezidenti Petro Poroshenko uni Ukraina fuqaroligini olishdan oldin Odessa viloyatining gubernatori etib tayinlagan edi. Biroq, 2016 yil noyabr oyida, Poroshenko Saakashvilini ishdan bo‘shatib, u nafaqat mintaqani rivojlantirish bo‘yicha bergan va’dalarini bajarmaganini, balki mintaqaning iqtisodiy ko‘rsatkichlarini sezilarli darajada yomonlashtirganini ta’kidlagandi.