Sahari yana Husanov haqida karikatura e’lon qildi (video)

Sport

−

31 yanvar visibility61118 timer1 daqiqa

Taniqli karikaturachi-rassom Hamid Sahari Yevropa Chempionlar ligasi (YeCHL) pley-off bahslariga atab karikatura chizdi va o‘z ijodiy ishida yana o‘zbekistonlik himoyachi Abduqodir Husanovni tasvirladi.

YeCHL pley-off o‘yinlariga qur’a tashlandi. Natijalarga ko‘ra, Madridning “Real” klubi o‘zbekistonlik futbolchi Abduqodir Husanov to‘p tepayotgan “Manchester Siti” bilan to‘qnash keladi.

Sahari o‘z karikaturasida har ikki jamoa futbolchilarini “Mortal Combat” videoo‘yinidagi epizodlarga o‘xshatib tasvirladi. Animatsion videoda Abduqodir Husanov "Real" yetakchilaridan biri Rodrigoga qarshi turganini ko‘rish mumkin.

Eslatib o‘tamiz, avvalroq Sahari “Manchester Siti” klubi haqida karikatura e’lon qilib, o‘sha ijodiy ishida ham Abduqodir Husanovni tasvirlagandi.

Maqola muallifi