Ro‘ziboyev UFC'dagi debyut jangidan umumiy qancha foyda ko‘rdi?

O‘rta vazn toifasida o‘zbekistonlik UFC jangchisi Nursulton Ro‘ziboyev ilk jangi uchun qancha mablag‘ ishlab olgani ma’lum bo‘ldi. Bu haqda “Gidstats” xabar berdi. 

Manbaga ko‘ra, debyut jangida braziliyalik Bruno Ferreyrani ilk raundda nokautga uchratgan Ro‘ziboyev g‘alabasi orqali 16 ming dollar pul olgan. Ularning 12 ming dollari mazkur jang uchun kafolatlangan gonorar, 4 mingi esa tashkilot tomonidan reklama qilinayotgan sport kiyimlari brendi hissasiga to‘g‘ri keladi.

Shuningdek, Nursulton turnirdagi yorqin g‘alabasi evaziga UFC'ning “Musobaqaning yorqin chiqishi” nominatsiyasida ham g‘oliblikni qo‘lga kiritdi. Bu orqali u tashkilot tomonidan maxsus 50 ming dollarlik bonusga ham loyiq ko‘rildi. Demak, o‘zbekistonlik sportchi umumiy hisobda 66 ming dollar miqdordagi pullarga ega chiqqan.

Quyida UFC Vegas 76 turnirining barcha qatnashchilari musobaqadagi ishtiroki uchun qancha pul ishlab olgani keltirilgan.

• Shon Striklend – 266 ming dollar;
• Abusupyan Magomedov – 104 ming dollar;
• Damir Ismagulov – 66 ming dollar;
• Grant Douson – 56 ming dollar;
• Maks Griffin – 96 ming dollar;
• Maykl Morales – 16 ming dollar;
• Ariane Lipski – 36 ming dollar;
• Melissa Gatto – 28,5 ming dollar;
• Benoit Sent–Denis – 28,5 ming dollar;
• Ismael Bonfim – 16 ming dollar;
• Bruno Ferreyra – 16 ming dollar;
• Kevin Li – 104 ming dollar;
• Rinat Fahriddinov – 16 ming dollar;
• Yana Santos – 91 ming dollar;
• Karol Rosa – 54 ming dollar;
• Ivana Petrovich – 16 ming dollar;
• Luana Karolina – 42 ming dollar;
• Joanderson Brito – 28,5 ming dollar;
• Uestin Uilson – 16 ming dollar;
• Aleksandr Romanov – 54 ming dollar;
• Blagoy Ivanov – 54 ming dollar;
• Guram Kutateladze – 66 ming dollar;
• Elvis Brener – 66 ming dollar.