Rossiyaning Baxmut shahrida g‘alaba qozonishi dargumon – Britaniya razvedkasi
Olam
−
03 yanvar 2023 11392
Donetsk viloyatidagi Baxmut shahri yaqinida rus qo‘shinlarining qizg‘in hujumlari davri allaqachon tugagan va yaqin kelajakda Rossiyaning bu joyda muvaffaqiyat qozonishi dargumon. Bu haqda Britaniya harbiy razvedkasining Twitter sahifasida keltirilgan.
“So‘nggi o‘n kun ichida Ukraina sektorni himoya qilish uchun katta kuchlar yubordi va Rossiya hujumlarining chastotasi dekabr oyining o‘rtalarida eng yuqori cho‘qqisidan kamaydi. Har ikki tomon ham katta yo‘qotishlarga uchradi”, deyiladi xabarda.
Qayd etilishicha, Rossiyaning ushbu hududdagi hujum operatsiyalari hozirda faqat vzvod yoki otryad darajasida amalga oshirilishi mumkin.
“Yaqin haftalarda Rossiya Baxmut yaqinida sezilarli muvaffaqiyatga erisha olmaydi”, deyiladi razvedka xabarida.
Ma’lumot uchun, Baxmut Donetskdan 89 kilometr shimoli-sharqda joylashgan shahar. 1924-2016 yillarda Artyomovsk deb nomlangan.
Live
Barchasi