Rossiyalik bloger 6 yilga qamalishi mumkin

Bloger Vladislav Sinitsa ekstremizmda aybdor deb topildi, deya xabar bermoqda RIA Novosti. 

Uning Twitter`dagi xabarini mutaxassislar huquq-tartibot idoralari xodimlarining bolalariga qarshi zo‘ravonlikka chaqiriq sifatida qabul qildi. 

Prokuratura ma’lumotlariga ko‘ra, bloger o‘z harakatlarining asl mohiyatini bilgan. Uning maqsadi "nafrat va adovatni qo‘zg‘ash" bo‘lgan.

Prokuror Sinitsaga olti yil qamoq jazosini so‘radi.

Sud ijtimoiy tarmoqlarda 30 yoshli Maks Steklov (Vladislav Sinitsa) taxallusi bilan nashr etgan matnni Moskvadagi noqonuniy xatti-harakatlarga qarshi kurashda ishtirok etgan huquq-tartibot xodimlarining bolalariga xavf tug‘dirish sifatida talqin qilganini ma’qulladi. 

Rosgvardiya xizmatchisining guvohlik berishicha, xizmatchi birinchi avgust kuni ishdan qaytib, yangiliklarni tomosha qilish uchun telefonini ochgan, “Odnoklassniki”, Twitter`dagi sahifalaridagi xabarlarni ko‘rib, Rossiya gvardiyasi xizmatchilarining  bolalarini  o‘g‘irlash haqidagi chaqiriqlarni o‘qigan. “Bu meni ogohlantirdi, men qizimning hayoti va sog‘lig‘i uchun qo‘rqishni boshladim", dedi Rosgvardiya xizmatchisi. 

Sudlanuvchi o‘z aybini tan olmadi: bloger uning so‘zlarini kontekstdan chiqarib tashlashlarini talab qilmoqda.

Shu yilning 14 iyul, 27 iyul va 3 avgust kunlari poytaxtda Moskva shahar Dumasi deputatligiga nomzodlar tomonidan tashkil etilgan hukumat bilan kelishilmagan mitinglar bo‘lib o‘tgandi.

Huquqbuzarlik uchun jami 1,7 ming kishi hibsga olingan.

Tergov qo‘mitasi tartibsizliklar va hukumat amaldorlariga hujum qilish bilan bog‘liq jinoiy ish qo‘zg‘adi.