Rossiyada vulqon otildi (video)

Kamchatka yarimorolining uzoq sharqida joylashgan Rossiyadagi eng faol vulqonlardan biri osmonga 5 kilometr uzoqlikdagi kul bulutlarini sochdi va qisqa vaqt ichida samolyotlar uchun “qizil kod” ogohlantirish darajasiga yetdi. Bu haqda Rossiya Fanlar akademiyasiga tayanib, “Novaya gazeta” xabar berdi.

Qayd etilishicha, Shiveluch vulqoni kecha, 18 avgust kuni tongda Kamchatkaning sharqiy qirg‘og‘ida sodir bo‘lgan 7.0 magnitudali kuchli zilziladan ko‘p o‘tmay otilib chiqa boshlagan. Rossiya Fanlar akademiyasi bundan ham kuchliroq zilzila yuz berishi mumkinligidan ogohlantirmoqda.

Akademiyaning Vulqonologiya va seysmologiya instituti Shiveluch ustidagi kul buluti aks etgan videoni e’lon qildi. U vulqonning sharqi va janubi-sharqidan 490 kilometrdan ortiqroq masofaga cho‘zilgan. Kamchatka vulqon otilishiga qarshi kurash guruhi xabariga ko‘ra, “qizil kodli” kul buluti haqidagi ogohlantirish hududdagi barcha samolyotlarni qisqa vaqt ichida ehtiyotkor holatga keltirdi.

Shuningdek, Vulkanologiya instituti olimlari 24 soat ichida 9.0 magnitudali zilzila sodir bo‘lishi mumkinligidan ogohlantirdi.

Eslatib o‘tamiz, avvalroq Tayvan sharqiy qirg‘oqlarida 6,1 magnitudali zilzila sodir bo‘lgani xabar berilgan edi.