Rossiya O‘zbekistonga yana 10 ta metro poyezdini yetkazib beradi

Jamiyat 3762
image

VEB.RF davlat korporatsiyasi, Rossiya eksport markazi (RES, VEB guruhi) va Toshkent metropoliteni poytaxt Toshkentda o‘tayotgan “Innoprom” sanoat ko‘rgazmasi doirasida 30,4 million yevro miqdorida "Metrovagonmash" poyezdlarini yetkazib berish to‘g‘risida kredit shartnomasini imzoladi. Bu haqda “Sputnik” xabar bermoqda. 

VEB.RF Matbuot xizmatiga ko‘ra, kredit liniyasi 12 yilni tashkil qiladi. Toshkent to‘rt vagonli 10 ta poyezd qabul qiladi.

Shartnomani amalga oshirishda Roseksimbank (RES guruhi) ham ishtirok etadi, u “EKSAR” AJ sug‘urta qoplamasi ostidagi metro vagonlari va ehtiyot qismlar to‘plamining bir qismini moliyalashtiradi.

Hujjatni VEB.RF raisining o‘rinbosari Daniil Algulyan va "Toshkent metropoliteni" unitar korxonasi rahbari Oybek Xudoyqulov imzolagan. 

"Bu yozda dastlabki beshta sostavni yetkazib berish rejalashtirilgan. Bu ustuvor loyihalarimizdan biri. Bugun imzolangan shartnoma tashqi bozorda ichki transportga bo‘lgan talabni ko‘rsatadi", RES bosh direktori Veronika Nikishina.

2019 yil sentyabr oyida “Metrovagonmash” (“Transmashxolding”) Toshkent metropoliteni ("O‘zbekiston temir yo‘llari") uchun 81-765.5/766.5/767.5 rusumli beshta metro poyezdini yetkazib berishni yakunladi. To‘rt vagonli poyezdlarni yetkazib berish bo‘yicha shartnoma 2018 yil oktyabr oyida imzolandi. Shartnomaning 27,7 million yevro summasi Rossiyaning VEB kompaniyasining (22,14 million kredit) va O‘zbekiston tiklanish va taraqqiyot jamg‘armasi (5,54 million) hisobidan moliyalashtirildi. Keyinchalik "O‘zbekiston temir yo‘llari" mamlakat metropoliteni uchun yana 40 ta poyezd sotib olish niyati borligini ma’lum qildi.

Hozirda Toshkent metropoliteni 43 ta bekatdan iborat to‘rtta liniyasi, uzunligi 59,5 kilometrni tashkil etadi.
 

Qalampir.uz Tahririyati
Maqolaga baho bering
Baholaganlar: 67
Reyting: 3.1
Teglar
t
×