Rossiya Ukrainadagi frontning aksariyat qismida muvaffaqiyatga erishdi – NYT

Rossiya qo‘shinlari Ukrainadagi jang maydonining katta qismi bo‘ylab tashabbusni qo‘lga oldi. Bu haqda “The New York Times” xabar berdi.

Nashrning yozishicha, so‘nggi haftalarda rus qo‘shinlari ishchi kuchi bo‘yicha ustunligi tufayli Ukrainaning sharqiy frontida kichik hududiy muvaffaqiyatlarga erishgan.

NYTga ko‘ra, Ukraina Qo‘shma Shtatlar va Yevropa Ittifoqining harbiy yordami bilan kurashayotgan bir paytda, Rossiya qo‘shinlari Kiyev uchun muhim vaqtda jang maydonida muvaffaqiyat qozonmoqda.

“Hozirda frontdagi vaziyat og‘ir va asta-sekin yomonlashmoqda. Amerika o‘q-dorilarisiz biz shu yozda qiyin qo‘lga kiritilgan hududni yo‘qotishni boshlaymiz”, deydi Oliy Rada Milliy xavfsizlik, mudofaa va razvedka qo‘mitasi rahbari o‘rinbosari Yegor Chernev gazetaga bergan intervyusida.

Rossiya armiyasining frontdagi muvaffaqiyatlari, gazeta yozganidek, Ukraina rahbariyatini 500 minggacha ukrainaliklarni safarbar qilish imkoniyatini ko‘rib chiqishga majbur qilmoqda.

Ukraina Mudofaa vazirligining Bosh razvedka boshqarmasi boshlig‘i Kirill Budanov armiya yo‘qotishlarini qoplash uchun keng ko‘lamli safarbarlikdan boshqa muqobil variant ko‘rmayotganini aytgan.