Rossiya safarbarlikning yangi to‘lqiniga tayyorlanmoqda – Britaniya razvedkasi 

Rossiya safarbarlikning yangi to‘lqiniga tayyorgarlik ko‘rmoqda. Bu haqda Buyuk Britaniya razvedkasi X'dagi sahifasida ma’lum qildi. 

Qayd etilishicha, Rossiya so‘nggi ikki oy ichida quruqlikdagi qo‘shinlarini kuchaytirish uchun yangi tuzilmalarni shakllantirishni boshlagan bo‘lishi mumkin. Ushbu tuzilmalarga 25-birlashgan qurolli armiya ham kiradi. Mamlakat Ukrainaga bostirib kirganidan buyon o‘rnatilgan tuzilmalarni to‘ldirish yoki hududiy mudofaa piyoda polklarining bir qismi sifatida asosan safarbar qilingan zaxiradagi harbiy xizmatchilardan foydalangan. U kamdan-kam hollarda o‘zini-o‘zi ta’minlash uchun yangi maqsadli qo‘shma qurolli armiyalarni tashkil etgan. 

Ammo 2022 yilning yozida tashkil etilgan 3-armiya korpusi bundan mustasno edi. Endilikda, ehtimol, Rossiya zaxiradagi kuch sifatida har qanday yangi tuzilmani joylashtirishi mumkin. Shunga qaramay, razvedka hisobotida aytilishicha, Rossiya yaqin istiqbolda NATOga qarshi kuchlarini mustahkamlashga intiladi. 

“Majburiy safarbarlikning yangi to‘lqinisiz, Rossiya hatto bitta yangi armiyani ta’minlash uchun yetarli miqdorda qo‘shin yig‘a olmasligi mumkin”, deyiladi xabarda. 

Eslatib o‘tamiz, avvalroq, joriy yilning may oyida Moskvaga dronlar hujumi uyushtirilganidan so‘ng Ramzan Qodirov va Dmitriy Rogozinlar Rossiyada ikkinchi safarbarlik to‘lqinini e’lon qilish zarurligini ta’kidlagan edi. Shuningdek, Yevgeniy Prigojin ham umumiy safarbarlik e’lon qilish vaqti kelganini aytgan.