Rossiya Olimpiya qo‘mitasining yillik daromadi ma’lum bo‘ldi

Rossiya Olimpiya qo‘mitasining (ROQ) 2023 yil noyabridan 2024 yil oktyabrgacha bo‘lgan davrdagi daromadi 643,1 million rublni tashkil etdi. Bu haqda tashkilot yig‘ilishida vitse-prezident Vasiliy Titov ma’lum qildi.

“Rossiya Olimpiya qo‘mitasining 2023 yil 1 noyabrdan 2024 yil 30 sentyabrgacha bo‘lgan davrdagi daromadlarining umumiy miqdori, tabiiy ko‘rinishdagi daromadlarni hisobga olmaganda, 643,1 million rublni tashkil etdi. So‘nggi 12 yildagi byudjet 2024 yil 1 noyabr holatiga ko‘ra, daromadning naqd pul qoldig‘i 3 milliard 657 million rublni tashkil etadi”, deydi Titov.

Olimpiya yig‘ilishida ROQning yangi rahbariyati, shu jumladan tashkilot rahbari saylanadi. Prezidentlik uchun yagona nomzod Rossiya Federatsiyasi sport vaziri Mixail Degtyaryov hisoblanadi.

Eslatib o‘tamiz, avvalroq Rossiya Prezidenti Vladimir Putin Olimpiya o‘yinlariga muqobil sifatida o‘tkazilishi  rejalashtirilgan va sentyabr oyida bo‘lib o‘tishi kerak bo‘lgan Butunjahon Do‘stlik o‘yinlarini boshqa muddatga qoldirish bo‘yicha farmon qabul qilgandi.