Rossiya koronavirusning yangi to‘lqiniga tayyorlanmoqda – “Reuters” 

Rossiya hukumati 2022 yilning yanvar-fevral oylarida mamlakatda koronavirus infeksiyasi bilan kasallanishning yana bir o‘sishini kutmoqda. Bu haqda “Reuters” agentligi Kremlga yaqin manbalarga tayanib xabar bergan.  

Ta’kidlanishicha, koronavirusning “omicron” variantining tarqalishi yangi to‘lqinni keltirib chiqaradi. Prognozlarga ko‘ra, Yangi yil bayramlaridan keyin kasallanish darajasi kuniga 50 ming holatdan oshishi mumkin. 

Hozirga qadar, federal shtab-kvartiraning rasmiy ma’lumotlariga ko‘ra, mamlakatda pandemiyaning eng yuqori cho‘qqisi 2021 yil 6 noyabr kunidagi holat bo‘lib qolmoqda, o‘shanda 41 335 bemor aniqlangan. 

O‘shandan beri kunlik kasallanish ko‘rsatkichlari pasayib bormoqda va dekabr oyining oxiriga kelib ular kuniga 21 ming holatni saqlab qolmoqda. 

Rasmiy ravishda Rossiyada 103 ta “omicron” infeksiyasi qayd etilgan. Rospotrebnadzor rahbari Anna Popova mamlakatda koronavirusning yangi versiyasi tarqalishini muqarrar deb atagan. 

Shu bilan birga, Kremldagi manbalarning ta’kidlashicha, “omicron” bilan kasallikning borishi “delta”ga qaraganda osonroq ko‘rinmoqda. 

“Omicron” “delta”dan ko‘ra kamroq shifoxonaga yotqizilishga olib kelishi kutilmoqda, unda odamlar shunchaki uyda o‘tiradi”, deyilgan xabarda. 

Ma’lumot o‘rnida, Jahon sog‘liqni saqlash tashkiloti rahbari Tedros Adhanom Gebreyesus “delta” bilan birga aylanib yuruvchi “omicron” butun dunyo bo‘ylab kasallikning yangi holatlarining “sunami”siga olib kelishi mumkinligi haqida ogohlantirgan. Qo‘shma Shtatlar va Yevropada koronavirusning kunlik kasallanishi bo‘yicha yangi rekordlar allaqachon aniqlangan.