Rossiya aholisining necha foizi Putinga ishonadi?

Rossiya fuqarolarining 80 foizdan ortig‘i Prezident Vladimir Putinga ishonadi.  Bu haqda Rossiya Federatsiyasi Prezidentining ish faoliyatini baholash uchun  respondentlar o‘rtasida o‘tkazilgan so‘rovnoma natijasida ma’lum bo‘ldi.

Butunrossiya jamoatchilik fikrini o‘rganish markazi tomonidan o‘tkazilgan so‘rovnomada 18 yoshdan oshgan 1600 fuqaro qatnashdi, deb yozmoqda TASS.

“Bosh vazir va Rossiya hukumatiga berilgan ijobiy baholar mos ravishda 50,8 foiz  va 49,8 foizni tashkil etdi”, deyiladi xabarda.

Rossiya Bosh vaziri Mixail Mishustin faoliyatini respondentlarning 62,4 foizi qo‘llab-quvvatlagan.

So‘rovnomada parlament fraksiyalari rahbarlarining ishini baholash yuzasidan savollar berilgan. Natijada respondentlarning 34,7 foizi Rossiya Kommunistik partiyasi (KP) yetakchisi Gennadiy Zyuganovga, “Adolatli Rossiya – Haqiqat uchun” partiyasi yetakchisi Sergey Mironovga – 33,1 foizi, Rossiya Liberal-demokratik partiyasi (RLDP) Leonid Slutskiyga – 18,3 foizi, “Yangi xalq” partiyasi yetakchisi Aleksey Nechayevga esa – 11,9 foizi  ijobiy ovoz bergan.

Musulmon Ziyo