Ronaldu Jahon chempionati tarixidagi yangi rekordni o‘rnatdi

Portugaliya terma jamoasi hujumchisi Krishtianu Ronaldu Jahon chempionatining pley-off bahslarida maydonga tushgan eng yoshi katta futbolchiga aylandi. 41 yosh-u 147 kunlik Ronaldu mazkur natijani Xorvatiyaga qarshi 1/16 final uchrashuvida qayd etdi.

Shu tariqa, u Angliya terma jamoasining sobiq darvozaboni Piter Shiltonga tegishli rekordni yangiladi. Shilton bu natijani 1990 yilgi Jahon chempionatida uchinchi o‘rin uchun o‘yinda 40 yosh-u 292 kunligida maydonga tushib o‘rnatgan edi.

Shuningdek, Krishtianu Ronaldu Xorvatiyaga qarshi bahsda penaltidan gol urib, Jahon chempionatlarining pley-off bahslaridagi ilk golini urdi. Ushbu o‘yinda Portugaliya Xorvatiyani 2:1 hisobida mag‘lubiyatga uchratib, nimchorak final bosqichiga chiqdi.

Ma’lumot uchun, 2026 yilgi Jahon chempionati AQSH, Kanada va Meksika mezbonligida o‘tkazilmoqda. Musobaqa joriy yilning 19 iyul kuniga qadar davom etadi.