Ronaldu yana bir jahon rekordini yangiladi

Portugaliyalik futbolchi Krishtianu Ronaldu yana bir jahon rekordini yangiladi. Bu haqda Xalqaro futbol tarixi va statistikasi federatsiyasi (IFFHS) matbuot xizmati xabar berdi.

Kecha, 30 avgust kuni Saudiya Arabistonining “Al-Nasr” klubi sardori Krishtianu Ronaldu rasman milliy chempionatlarda raqib darvozasiga urilgan gollar soni bo‘yicha jahon rekordini o‘rnatdi. U shu kuni Saudiya chempionati doirasida tashkil etilgan “Al-Nasr” va “Al-Shabob” klublari o‘rtasidagi bahsda raqib darvozasiga 2 ta to‘p kritdi va hisobidagi gollar sonini 517 taga yetkazib qo‘ydi.

Shu tarzda Ronaldu sobiq chempionlar Yozef Bitsan va Ferens Pushkashni 2 ta to‘p nisbati bilan ortda qoldirdi. Ular milliy liga o‘yinlarida 515 tadan gol muallifi hisoblanadi.

Aytish joiz, mazkur reytingda mintaqaviy ligalardagi gollar hisobga olinmagan, statistikada faqat milliy chempionatlarda urilgan gollar hisobga olingan. Shu bois unda afsonaviy Pele kabi mashhur to‘purarlar kiritilmagan.