Ronaldu Portugaliyaning o‘yinini o‘tkazib yuboradi
Sport
−
03 iyun 3958
Portugaliyalik hujumchi Krishtianu Ronaldu Yevro-2024 oldidan Portugaliyaning birinchi o‘rtoqlik uchrashuvini o‘tkazib yuboradi. Bu haqda “O Jogo” xabar berdi.
Ronaldu bo‘lajak Yevropa chempionatiga tayyorgarlik ko‘rish maqsadida Finlyandiyaga qarshi o‘yinda jamoadoshlariga yordam bera olmaydi. Ronaldu Saudiya Arabistoni chempionati yakunlanganidan keyin bir haftalik ta’til oladi. “Al-Hilol” yarim himoyachisi Ruben Nevesh ham finlar bilan o‘yinda maydonga tusha olmaydi. Har ikki futbolchi ham kelasi dam olish kunlari terma jamoaga yetib keladi.
Yevro-2024 boshlanishidan oldin Portugaliya ham Xorvatiya va Irlandiya bilan nazorat o‘yinida ishtirok etadi.
Yevropa chempionati 14 iyundan 14 iyulga qadar Germaniyada bo‘lib o‘tadi. Guruh bosqichida portugaliyaliklarning raqiblari Chexiya, Gruziya va Turkiya terma jamoalari bo‘ladi.
Live
Barchasi
