Ronaldu ajrashsa, Jorjinaga oyiga qancha to‘lashi kerak?

Portugaliyalik futbolchi, Saudiya Arabistonining “Al-Nasr” klubi hujumchisi va sardori Krishtianu Ronaldu sevgilisi Jorjina Rodriges bilan ajrashsa, unga oyiga 85 ming funt sterlingdan (100 ming yevro) ko‘proq pul to‘laydi. Bu haqda “The Mirror” xabar berdi.

Nashrning ta’kidlashicha, ushbu bandlar ularning birinchi qizi – Alana Martina tug‘ilgandan keyin o‘rnatilgan. 

Kelishuv tafsilotlari ilk bor 2023 yilning iyun oyida “TV Guia” tomonidan e’lon qilingan. Shuningdek, hujjatga asosan, Ronaldudan ajralgan taqdirda Krishtianuning Madriddagi qasri ham Jorjinaning mulkiga aylanadi. Mulk 950 kvadrat metrni tashkil etadi va 2010 yilda Ronaldu tomonidan 5 million yevroga (4,2 million funt sterling) sotib olingan Pozueloning qimmat hududida joylashgan 4000 kvadrat metrlik mulk ichida joylashgan.

Qayd etilishicha, hujjat 2017 yilda, Jorjina katta qizi Alana Martinadan homilador bo‘lganida imzolangan. Hujjatni tayyorlash uchun Ronalduning agenti Xorxe Mendesh mas’ul bo‘lgan.

Bundan tashqari, juftlik o‘rtasidagi shartnoma shartlari 2022 yilning iyun oyida yangi tug‘ilgan egizaklardan biri vafot etganidan keyin o‘zgartirilgan. Shu bilan portugaliyalik futbolchi Rodrigesga umrbod oyiga 100 ming yevro to‘lab berishi belgilangan.

Ma’lumot uchun, 39 yoshli Ronaldu “Manchester Yunayted”, “Real Madrid”, “Yuventus“ va hozirda Saudiya Arabistonining “Al-Nasr” klubidagi yorqin faoliyati tufayli 500 million funt sterlingga yaqin boylikka ega. Saudiya Arabistonida yiliga 173 million funt maosh oladigan dunyodagi eng ko‘p maosh oluvchi sportchi bo‘lishdan tashqari, forvard o‘zining turli homiylik shartnomalari natijasida har yili millionlab daromad oladi. Shunga qaramay, u Jorjina bilan ajrashgan holatda o‘zining katta daromadining bir qismi bilan xayrlashishi kerak. Portugaliyaning “TV Guia” jurnaliga ko‘ra, juftlik o‘rtasidagi kelishuv futbolchining aktivlarini himoya qiladi.

Eslatib o‘tamiz, avvalroq Saudiya Arabistonining “Al-Nasr” klubi hujumchisi Krishtianu Ronaldu nega futbolni tark etmayotganiga izoh berar ekan, kelgusida o‘g‘li bilan birga to‘p tepish niyati borligi tufayli hanuz futbolda ekanligini aytgandi.