Роналду ажрашса, Жоржинага ойига қанча тўлаши керак?

Португалиялик футболчи, Саудия Арабистонининг “Аль-Наср” клуби ҳужумчиси ва сардори Криштиану Роналду севгилиси Жоржина Родригес билан ажрашса, унга ойига 85 минг фунт стерлингдан (100 минг евро) кўпроқ пул тўлайди. Бу ҳақда “Тhe Mirror” хабар берди.

Нашрнинг таъкидлашича, ушбу бандлар уларнинг биринчи қизи – Алана Мартина туғилгандан кейин ўрнатилган. 

Келишув тафсилотлари илк бор 2023 йилнинг июнь ойида “ТV Guia” томонидан эълон қилинган. Шунингдек, ҳужжатга асосан, Роналдудан ажралган тақдирда Криштианунинг Мадриддаги қасри ҳам Жоржинанинг мулкига айланади. Мулк 950 квадрат метрни ташкил этади ва 2010 йилда Роналду томонидан 5 миллион еврога (4,2 миллион фунт стерлинг) сотиб олинган Позуэлонинг қиммат ҳудудида жойлашган 4000 квадрат метрлик мулк ичида жойлашган.

Қайд этилишича, ҳужжат 2017 йилда, Жоржина катта қизи Алана Мартинадан ҳомиладор бўлганида имзоланган. Ҳужжатни тайёрлаш учун Роналдунинг агенти Хорхе Мендеш масъул бўлган.

Бундан ташқари, жуфтлик ўртасидаги шартнома шартлари 2022 йилнинг июнь ойида янги туғилган эгизаклардан бири вафот этганидан кейин ўзгартирилган. Шу билан португалиялик футболчи Родригесга умрбод ойига 100 минг евро тўлаб бериши белгиланган.

Маълумот учун, 39 ёшли Роналду “Манчестер Юнайтед”, “Реал Мадрид”, “Ювентус“ ва ҳозирда Саудия Арабистонининг “Аль-Наср” клубидаги ёрқин фаолияти туфайли 500 миллион фунт стерлингга яқин бойликка эга. Саудия Арабистонида йилига 173 миллион фунт маош оладиган дунёдаги энг кўп маош олувчи спортчи бўлишдан ташқари, форвард ўзининг турли ҳомийлик шартномалари натижасида ҳар йили миллионлаб даромад олади. Шунга қарамай, у Жоржина билан ажрашган ҳолатда ўзининг катта даромадининг бир қисми билан хайрлашиши керак. Португалиянинг “ТV Guia” журналига кўра, жуфтлик ўртасидаги келишув футболчининг активларини ҳимоя қилади.

Эслатиб ўтамиз, аввалроқ Саудия Арабистонининг “Аль-Наср” клуби ҳужумчиси Криштиану Роналду нега футболни тарк этмаётганига изоҳ берар экан, келгусида ўғли билан бирга тўп тепиш нияти борлиги туфайли ҳануз футболда эканлигини айтганди.