Reshford jarohat sabab bir nechta o‘yinni o‘tkazib yuboradi
Sport
−
22 mart 2019 3953
Angliya terma jamoasi va “Manchester Yunayted” hujumchisi Markus Reshford jarohat sabab terma jamoa bazasini tark etdi. Bu haqda football.ua nashri xabar tarqatmoqda.
21 yoshli futbolchi allaqachon “qizil iblislar” safiga borib qo‘shilgan. Xabarlarga ko‘ra, Reshford terma jamoaning joriy yig‘inidagi uchrashuvlarning birortasida ham maydonga tusha olmaydi.
Angliya terma jamoasi Yevropa chempionati saralashi doirasida 22 mart kuni Londonda Chexiyaga qarshi to‘p sursa, 25 mart kuni safarda Chernogoriya termasi bilan kuch sinashishi kerak.
Eslatib o‘tamiz, Markus Reshford butun fevral oyi davomida jarohatlar bilan kurashib keldi. MYUning ko‘pchilik futbolchilari jarohat olganligi sababli, Markus hatto ayrim o‘yinlarda og‘riqni his qilsada maydonga chiqishga majbur bo‘lgan edi. Futbolchining tiklanib, maydonga qaytish sanasi ma’lum emas.
