“Real” oxirgi besh mavsumdagi antirekordini takrorladi

Madridning “Real” klubi La Liganing 19-turidan o‘rin olgan “Atletik Bilbao”ga imkoniyatni boy berdi. Uchrashuv 2:1 hisobida Bilbao jamoasining g‘alabasi bilan yakunlandi. 

Shu tariqa, “qaymoqranglilar” 2024/2025 yilgi mavsumdagi beshinchi o‘yinida mag‘lub bo‘ldi.

Shunday qilib, “qirollik klubi” Karlo Anchelotti qo‘l ostida mavsumning birinchi yarmidagi mag‘lubiyatlar soni bo‘yicha so‘nggi besh mavsumdagi klub antirekordini takrorladi. Bungacha jamoa 2020/2021 yilgi mavsumda mavsumning birinchi yarmida beshta mag‘lubiyat qayd etgandi.

Joriy mavsum “qaymoqranglilar” “Atletik”gacha “Liverpul” (0:2), “Milan” (1:3), “Barselona” (0:4) va “Lill” (0:1)ga mag‘lub bo‘ldi.

Madridning “Real” klubi ayni damda 33 ochko bilan Ispaniya chempionati turnir jadvalida 2-o‘rinda bormoqda. Birinchi o‘rindagi “Barselona” bilan tafovut 4 ochkoni tashkil etadi, lekin “qirollik klubi” hisobida 1 ta qoldirilgan o‘yin mavjud.