“Real” murabbiyi jamoaning asosiy kamchiligini aytdi
Sport
−
05 iyun 2023 3189
“Real Madrid” bosh murabbiyi Karlo Anchelotti jamoaning joriy mavsumdagi kamchiliklari haqida fikr bildirdi.
“Bizga raqobatbardoshlik yetishmadi. O‘tgan mavsumda hozirgiga qaraganda kuchliroq tarkib bor edi, ammo joriy mavsum barqarorlik kamlik qildi. Juda qiyin mavsum ortda qoldi. Yanvarda Ispaniya Superkubogi va klublar o‘rtasidagi Jahon chempionatida qatnashdik. Fevral oyida chempionlik uchun kurash kuchaydi. Mavsum yaxshi o‘tdi va ishonchim komilki, kelasi yil yanada yaxshiroq ko‘rinishda bo‘lamiz. 10 iyul kuni yanada ko‘proq motivatsiya, ishtiyoq va istak bilan qaytamiz”, deydi Anchelotti.
Ispaniya chempionatining mavsum yakuniga ko‘ra, “Real Madrid” 2-o‘rinni egalladi. Jamoa Yevropa Chempionlar ligasida yarim finalga qadar yetib bordi va final oldi o‘yinda “Manchester Siti”ga imkoniyatni boy berdi.
