“Real” Mbappeni eng badavlat futbolchiga aylantiradi
Sport
−
31 yanvar 2022 4280
PSJ klubi va Fransiya terma jamoasi hujumchisi Kilian Mbappe yozda “Real”ga o‘tadi. Bu haqda “Bild” nashri xabar berdi.
Manbaga ko‘ra, 23 yoshli fransiyalik futbolchi ispan klubi bilan shartnoma shartlarini kelishib bo‘lgan. Mbappe “Real”ga tekinga o‘tadi va yiliga 50 million yevro maosh oladi. Shu tariqa Kilian dunyoning eng ko‘pmaosh oluvchi futbolchisiga aylanishi kutilmoqda.
Eslatib o‘tamiz, Mbappe 2017 yilda 180 million yevro evaziga “Monako”dan PSJga o‘tgan edi.
Ma’lumot uchun, joriy mavsumda 23 yoshli vinger Fransiya chempionatining 20 ta o‘yinida maydonga tushib, 10 ta gol urgan va 9 ta golga assistentlik qilgan. Mbappening parijliklar bilan amaldagi shartnomasi mavsum oxirigacha amal qiladi.
