“Real” Xoland transferidan ham umid uzmayapti
Sport
−
11 yanvar 2303
Madridning “Real” klubi “Manchester Siti”ning norvegiyalik hujumchisi Erling Xolandni sotib olish imkoniyatini o‘rganmoqda. Bu haqda As xabar berdi.
“Real Madrid” agar jamoa PSJ hujumchisi Kilian Mbappe bilan shartnoma imzolay olmasa, Xoland variantini ko‘rib chiqadi. Agar Mbappe “Real”ga o‘tish qarorini kechiktirsa, Madrid klubi bor e’tiborini Xolandga qaratadi.
Xolandning o‘zi ham Madrid superklubiga o‘tishga qarshi emas.
Ma’lumot uchun, Xoland “Manchester Siti”da 2022 yildan buyon o‘ynab kelmoqda. Futbolchining klub bilan shartnomasi 2027 yilgacha mo‘ljallangan.
Joriy mavsumda 23 yoshli norvegiyalik futbolchi Angliya chempionatida 15 ta o‘yin o‘tkazib, 14 ta gol urdi va 4 ta golli uzatmani amalga oshirdi. Futbolchining transfer qiymati 180 million yevroga baholanmoqda.
Live
Barchasi
