“Real” futbolchilari qancha maosh olishi e’lon qilindi

Madridning “Real” klubi futbolchilari yiliga qancha maosh olishi aniq bo‘ldi. Bu haqda “Capology” xabar berdi.

Manbaga ko‘ra, klubda eng ko‘p maosh oluvchi futbolchi fransiyalik Kilian Mbappe bo‘lib, uning maoshi 31,2 million yevroni tashkil qiladi. Jarohati bois ancha vaqtdan beri maydonga tushmayotgan futbolchi David Alaba bu borada 2-o‘rinni band etdi. Avstraliyalik futbolchi “Real”da 22,5 million yevro ishlab topadi.

20,8 million yevro maosh oladigan Jud Bellingem va Vinisius Junior bu borada kuchli uchlikni band etdi.

Top-10:

Federiko Valverde – 16,6 million yevro;
Tibo Kurtua – 15 million yevro;
Antonio Ryudiger – 14,5 million yevro;
Eder Militao – 14,5 million yevro;
Orelen Chuameni –12,5 million yevro;
Eduardu Kamavinga – 12,5 million yevro;

Ma’lumot uchun, 4 yanvarga o‘tar kechasi “qirollik klubi” Ispaniya chempionatining qoldirilgan o‘yinida safarda “Valensiya” bilan bahs olib borib, 2:1 hisobida zafar quchdi va 43 ochko bilan chempionat peshqadamiga aylanib oldi.