“Real”da keyingi penaltilarni kimlar tepishi aniq bo‘ldi
Sport
−
07 aprel 2367
“Real Madrid” klubda penalti tepuvchilarni rotatsiya qilishda davom etmoqda. Bu haqda “Marca” xabar berdi.
Yaqinda La liga doirasida “Valensiya”ga qarshi kechgan va “qaymoqranglilar”ning kutilmagan mag‘lubiyati (1:2) bilan yakunlangan uchrashuvda Vinisius Junior penaltini golga aylantira olmadi.
Manbaga ko‘ra, bosh murabbiy Karlo Anchelotti hali ham klubda asosiy penalti tepuvchini tanlamagan. Agar jamoa Chempionlar ligasi doirasida bo‘lib o‘tadigan “Arsenal”ga qarshi o‘yinda penalti tepish imkoniyatiga ega bo‘lsa, Kilian Mbappe bu mas’uliyatni o‘z bo‘yniga oladi.
Agar fransiyalik futbolchi muvaffaqiyatsizlikka uchrasa, keyingi safar navbat Jud Bellingemga keladi.
Ma’lumot uchun, 8 aprel kuni Londonda “Real” va “Arsenal”ning Yevropa Chempionlar ligasi chorak final doirasidagi birinchi o‘yini bo‘lib o‘tadi. Javob o‘yini 16 aprel kuni Madridda o‘tkaziladi.
Live
BarchasiTrenddagilar
