“Real” “Chelsi” a’zosini o‘z safiga qo‘shib olmoqchi
Sport
−
02 iyun 2023 2433
Madridning “Real” klubi “Chelsi”dan Kay Xaversni sotib olishi mumkin. Bu haqda “Marca” xabar berdi.
Manbaga ko‘ra, ispan klubi germaniyalik hujumchini o‘z safiga qo‘shib olish fikriga kelgan. Kecha “Real Madrid” prezidenti Florentino Peres va murabbiy Karlo Anchelotti o‘rtasidagi uchrashuvda Xavers transfer muhokama qilindi.
23 yoshli futbolchiga madridliklar rahbariyatida qiziqish uyg‘otgan, chunki u hujumda turli pozitsiyalarda o‘ynay oladi.
2020 yilda “Real Madrid” Kay bilan shartnoma imzolashga urinib ko‘rdi, ammo koronavirus pandemiyasining moliyaviy oqibatlari tufayli klub transferni amalga oshirolmay qoldi.
Xavers joriy mavsumda Premer-liganing 35 o‘yinida 7 ta gol urdi.
