Rasman: Jeko Istanbul klubi futbolchisiga aylandi
Sport
−
22 iyun 2023 2647
Italiyaning Inter klubi hujumchisi Edin Jeko Turkiyaning “Fenerbaxche” klubi bilan shartnoma imzoladi. Bu haqda klub o‘z Twitter sahifasida ma’lum qildi.
Manbaga ko‘ra, Edin Jekoning Istanbul klubi bilan shartnomasi 2025 yilgacha mo‘ljallangan. “Fenerbaxche” 37 yoshli hujumchiga yiliga kamida 5 million yevro maosh to‘laydi.
Edin Jeko 2021 yildan beri “Inter” safida to‘p surib kelayotgandi. O‘tgan mavsumda u barcha turnirlarda 52 ta o‘yinda maydonga tushib, 14 ta gol urdi va 5 ta golga assistentlik qildi.
Ma’lumot uchun, bosniyalik futbolchi faoliyati davomida “Volfsburg”, “Manchester Siti” va “Roma” kabi klublarda to‘p tepgan. “Transfermarkt” uning transfer narxini 4 million yevroga baholamoqda.
Live
Barchasi
