Rasman: Nursulton Ro‘ziboyev UFC jangchisi bo‘ldi

O‘zbekistonlik taniqli MMA jangchisi Nursulton Ro‘ziboyev UFC bilan shartnoma imzoladi. Bu haqda tashkilotning rasmiy Twitter sahifasida xabar berildi.

Bugun, 21 iyun kuni promoushenning ijtimoiy tarmoqdagi sahifalarida “Fighter added(Jangchi qo‘shildi): Nursulton Ruziboev”, degan so‘zlar yozilgan post joylandi. Shuningdek, sportchining menejeri Ali Abdel-Aziz ham buni tasdiqladi.

“Tasdiqlandi. Sening vaqting keldi ukam”, deydi Abdel-Aziz.

Dastlabki ma’lumotlarga ko‘ra, o‘rta vazn (83,9 kg) toifasida jang olib boruvchi o‘zbekistonlik sportchining UFC'dagi debyuti 1 iyul kuni UFC Fight Night turniri doirasida bo‘lib o‘tadi. Raqib nomi hali e’lon qilinmagan.

Ma’lumot uchun, Nursulton 2014 yildan buyon o‘rta vaznda MMA'da jang o‘tkazib keladi. U professional faoliyati davomida 43 marta oktagonga ko‘tarilib, 35 ta jangda g‘alaba qozongan, 8 ta bahsda esa raqiblariga imkoniyatni boy bergan.

Muhsinjon Umurzoqov