Rasman: Mayk Tayson O‘zbekistonga kelyapti

Avval xabar berganimizdek, joriy yilning 12-17 noyabr kunlari Toshkent shahrida butunjahon boks uyushmasining (WBC) 61-Konvensiyasi bo‘lib o‘tadi. Mazkur tadbirda mashhur boks yulduzlari qatorida amerikalik boks afsonasi Mayk Tayson (58-50-2) ham ishtirok etadigan bo‘ldi. Bu haqda O‘zbekiston professional boks federatsiyasi matbuot xizmati xabar berdi.

Ma’lum qilinishicha, 5 kun davom etadigan tadbir doirasida professional boksning har bir vazn toifasida saralash va nomdor bokschilarning chempionlik janglari tashkil etiladi. 

Shuningdek, afsonaviy Mayk Tayson ham ushbu tadbirning asosiy mehmonlaridan biri bo‘lib, turli ko‘rgazmali chiqishlarda qatnashadi. 

Eslatib o‘tamiz, avvalroq Toshkent shahri mezbonligida bo‘lib o‘tadigan WBC'ning 61-Konvensiyasida mashhur boks yulduzi Amir Iqbol Xon hamda Kostya Szyu qatnashishi xabar qilingan edi. Shuningdek, mazkur tadbirga yana bir boks afsonasi Evander Xolifild ham kelishi kutilmoqda.