Ramzan Qodirov G‘arb davlatlariga yadroviy ifloslanishni ko‘rsatib qo‘yishni taklif qildi

Checheniston rahbari Ramzan Qodirov Londonning uranli snaryadlarni Kiyevga topshirish qaroriga izoh berib, uran zaharlanishi oqibatlarini G‘arbga ko‘rsatib qo‘yishni taklif qildi. Bu haqda u bugun, 23 mart kuni o‘zining Telegram-kanalida yozdi.

“Bunday iflos snaryadlardan foydalanish oqibatlarini eslatmayman. Bir marta G‘arbga o‘z hududlarida uran bilan ifloslanish oqibatlarini ko‘rsatish kerak, shunda bu mavzu haqida gapirish istagi o‘z-o‘zidan yo‘qoladi”, deb yozgan Checheniston rahbari.

Uning so‘zlariga ko‘ra, Buyuk Britaniya Ukrainani uranli snaryadlar bilan ta’minlashni rejalashtirayotgani bilan deyarli maqtanmoqda. London hatto bu radioaktiv uran emasligini aytib, hammani tinchlantirishga muvaffaq bo‘lgan. Biroq Qodirov Rossiyada og‘ir metallarning xususiyatlarini tushunmaydigan, Londonning izohlariga ishonadigan odamlar kam ekanini aytgan.

Shuningdek, Ramzan Qodirov G‘arb, Yevropa Ittifoqi va NATO “Rossiyani bezovta qilish va ukrainaliklarni ko‘proq yotqizish” maqsadida yangi g‘oyalar bilan chiqayotganini ta’eidlagan. Uning fikricha, hatto mavjudligi Rossiya Federatsiyasi bilan iqtisodiy aloqalarga bog‘liq bo‘lgan davlatlar ham ularning sanksiyalaridan aziyat chekmoqda.

“G‘arb ularga parvo qilmaydi, ular buni “Rossiyaga yordam” deb bilishadi. Ular uchun dunyoning qolgan qismi ikkinchi darajali odamlardir”, deydi Checheniston yetakchisi.

Eslatib o‘tamiz, Britaniya Mudofaa vaziri o‘rinbosari baronessa Annabel Goldi hukumat Ukrainaga zirhli transport vositalarini yo‘q qilish samaradorligini oshiradigan, tarkibida uran bo‘lgan snaryadlar yetkazib berishini e’lon qilgan edi. Rossiya Mudofaa vaziri Sergey Shoygu bu harakat yadroviy to‘qnashuv tobora yaqinlashayotganini anglatishini aytdi. Rossiya Davlat dumasi spikeri Vyacheslav Volodin ham agar Buyuk Britaniya bunga qaror qilsa, birinchi navbatda Yevropaga ta’sir qiladigan global fojia sodir bo‘lishidan ogohlantirgan edi.