Rafahda Isroil va Misr harbiylari o‘rtasida to‘qnashuv yuz berdi

Misr va G‘azo sektori chegarasida joylashgan Rafah nazorat-o‘tkazish punktida Isroil va Misr harbiylari o‘rtasida to‘qnashuv  bo‘ldi. Bu haqda Isroil armiyasi  xabar berdi.

Xabarda aytilishicha, hodisa yuzasidan surishtiruv ishlari boshlangan. 

“Shu maqsadda Misr tomoni bilan aloqalar olib borilmoqda”, deya qo‘shimcha qildi armiya matbuot xizmati.

Isroil matbuoti xabariga ko‘ra, mojaro chog‘ida bir Isroil armiyasi askari halok bo‘lgan. Misr Qurolli kuchlarining rasmiy vakili G‘arib Abdul Hafiz ham misrlik xavfsizlik xizmati xodimi halok bo‘lganini ma’lum qilgan.

Misrning “Al-Qohira al-Ihbariya” telekanalining xavfsizlik tuzilmalaridagi manbasiga tayanib, xabar berishicha, dastlab Rafah nazorat-o‘tkazish punkti yaqinida isroillik askarlar va Falastin qurolli qarshilik ko‘rsatish tarafdorlari otishma sodir etgan.

Manbaga ko‘ra, tergov natijasida olingan dastlabki ma’lumotlar Isroil va Falastin tomonlari o‘rtasida o‘t ochish sabablarini bartaraf etish uchun zarur choralarni ko‘rishga majbur bo‘lgan. Manba, shuningdek, Misr rasmiylari allaqachon maxsus tergov komissiyalarini tuzganini, ularning a’zolari bunday vaziyatning yuzaga kelishiga kim mas’ul ekanini aniqlashi va kelajakda bunday holat takrorlanmasligi uchun barcha imkoniyatlarni ishga solishi kerakligini ta’kidladi.

Ma’lumot uchun, 7 may kuni Isroil harbiylari G‘azo sektorining Misr bilan chegarasidagi Rafah chegara punktining Falastin tomonini nazorat ostiga oldi. Bunga javoban 11 may kuni Qohira yahudiy davlati bilan quruqlikdan o‘tish bo‘yicha keyingi harakatlarini muvofiqlashtirish niyatida emasligini ma’lum qildi va bir necha kundan keyin u nazorat-o‘tkazish punktini yopib qo‘ygani va Falastin anklavidagi aholiga gumanitar yordam yetkazish jarayonini to‘xtatgani uchun to‘liq javobgarlikni Isroil zimmasiga yukladi.

Eslatib o‘tamiz, avvalroq Isroil armiyasi Rafahga qo‘shimcha bo‘linmalar yuborgan edi.

Ma’mura To‘rayeva