Putin Rossiya ishchi kuchiga muhtojligini aytdi

Rossiya ishchi kuchiga muhtoj, mamlakat esa uning “kerakligi” va xorijdan kelayotganlarning qonunga rioya etishidan manfaatdor. Bu haqda Prezident Vladimir Putin Dushanbeda jurnalistlarga bergan intervyusida aytdi.

“Rossiya o‘z ishchi kuchidan manfaatdor, lekin u bizning ehtiyojlarimizni qondirishi ham muhim. Qolaversa, odamlar munosib sharoitda yashashi, qonun va qoidalarimizga rioya qilishi shart. Men har doim ular qonunga itoatkor bo‘lishi kerakligini ta’kidlayman”, dedi u.

Putin bu sohada muammolar borligini ham ta’kidladi.

“Ularning ko‘pi bor — Rossiya fuqarolari ularga ishora qilmoqda. Biz birinchi navbatda vatandoshlarimiz haqida o‘ylashimiz kerak”, deya qo‘shimcha qildi Rossiya Prezidenti.

Putin Tojikistonda bo‘lib o‘tgan “Markaziy Osiyo-Rossiya” sammiti va MDH Davlat rahbarlari kengashi yig‘ilishida ishtirok etdi.

Shuningdek, u bir qator ikki tomonlama uchrashuvlar o‘tkazdi.

Eslatib o‘tamiz, avvalroq Yevropa Ittifoqi Rossiya Prezidenti Vladimir Putinni hibsga olmagani uchun Tojikistonni Xalqaro jinoiy sud talablarini bajarmaganlikda ayblagandi.