Putin Qozog‘istonga borganida Nazarboyev bilan uchrashadimi?

Rossiya Prezidenti Vladimir Putin ertaga, 9 noyabr kuni Qozog‘istonga bo‘lajak tashrifi doirasida bu mamlakatning birinchi prezidenti Nursulton Nazarboyev bilan uchrashishni rejalashtirmayapti. Bu haqda Prezident Matbuot kotibi Dmitriy Peskov ma’lum qildi. 

“Bu safar prezidentning Nazarboyevga tashrif buyurishga ulgurmasligi ehtimoldan xoli emas”, deydi Kreml matbuot kotibi. 

Uning eslatishicha, Putin Qozog‘istonda respublika prezidenti Qosim-Jomart To‘qayev bilan ikki tomonlama muzokaralar o‘tkazadi, shundan so‘ng “batafsil Rossiya-Qozog‘iston muzokaralari” davom etadi. Natijalar bo‘yicha hujjatlar imzolanadi.  

“Ertaga biz sizga ushbu hujjatlar to‘plami haqida o‘z vaqtida xabar beramiz”, deya qo‘shimcha qilgan Kreml vakili.  

Uning qayd etishicha, Putin va To‘qayev ham ommaviy axborot vositalari uchun bayonotlar beradi. 

“Prezident To‘qayev rossiyalik mehmon sharafiga uning nomidan rasmiy ziyofat ham beradi”, deydi Peskov. 

U davlatlarning mintaqalararo hamkorligi forumining yalpi majlisida prezidentlarning birgalikda ishtirok etishini tashrifning o‘ta muhim nuqtasi deb atadi. 

“Bularning barchasi payshanba kuni bir kunda, juda va juda shiddatli dasturda sodir bo‘ladi”, deya xulosa qildi Peskov.