Prezident chegara masalalarini hal qilish uchun Tojikistonga boradi
Jamiyat
−
30 mart 5501
O‘zbekiston Respublikasi Prezidenti Shavkat Mirziyoyev Tojikiston Respublikasi Prezidenti Imomali Rahmonning taklifiga binoan ertaga, 31 mart kuni amaliy tashrif bilan Xo‘jand shahrida bo‘ladi. Bu haqda Prezident matbuot xizmati xabar berdi.
Qayd etilishicha, tashrif dasturiga muvofiq, Xo‘jand shahrida O‘zbekiston, Tojikiston va Qirg‘iziston yetakchilarining qo‘shma uchrashuvi hamda ikki tomonlama muzokaralar o‘tkazilishi rejalashtirilgan.
Tadbir yakunida O‘zbekiston, Tojikiston va Qirg‘iziston davlat chegaralarining tutash nuqtasi to‘g‘risidagi shartnomani imzolash ko‘zda tutilgan va davlat rahbarlari san’at ustalarining qo‘shma konsertida ham ishtirok etadi.
Eslatib o‘tamiz, avvalroq Mirziyoyev Japarov va Imomali Rahmon bilan ilk bor mintaqaviy hamkorlikni mustahkamlashda muhim qadam bo‘lishi aytilgan 3 tomonlama sammit o‘tkazishi haqida xabar bergan edik.
Live
BarchasiTrenddagilar
