Poytaxtdagi ko‘chalardan biri 10 oktyabrgacha yopildi
Jamiyat
−
23 Sentabr 2019 3989 1 daqiqa
Toshkent shahrining Shayxontohur tumanidagi ko‘chalardan biri 10 oktyabrgacha yopildi.
Qayd etilishicha, Shayxontohur tumani Qoratosh ko‘chasidagi magistral issiqlik tarmoqlari quvurida ta’mirlash ishlari olib borilmoqda.
Shu munosabat bilan mazkur ko‘chaning O‘zbekiston banklari assotsiatsiyasi yaqinidagi yo‘l joriy yilning 10 oktyabriga qadar qisman yopildi.
Avvalroq, Toshkent metropolitenining Sergeli yunalishi qurilishi munosabati bilan shu yilning 25 noyabriga qadar Toshkentning Chilonzor tumanidagi Gavhar ko‘chasining bir qismi, ya’ni “Olmazor” metro bekati ro‘parasidagi yo‘l qisman yopilishi haqida xabar bergan edik.
