Portugaliya Meksikada o‘ynashdan bosh tortmoqda

Portugaliya milliy terma jamoasi mamlakatdagi xavfsizlik holati tufayli Meksika terma jamoasiga qarshi o‘rtoqlik o‘yinini bekor qilishni ko‘rib chiqmoqda. Bu haqda “El Popular” nashri xabar berdi.

Portugaliya terma jamoasi 2026 yilgi Jahon chempionatiga tayyorgarlik doirasida joriy yilning 28 mart kuni o‘rtoqlik uchrashuvi o‘tkazilishi rejalashtirilgan Meksikaga safar haqida xavotir bildirdi. O‘yin Mexiko shahridagi “Asteka” stadionida o‘tkazilishi ko‘zda tutilgan, ammo mamlakatdagi hozirgi vaziyat o‘yinga ta’sir qilishi mumkin.

Portugaliya futbol federatsiyasi vaziyatni diqqat bilan kuzatayotganini va barcha ehtimoliy xavflarini bartaraf etayotganini tasdiqlagan. Tashkilot rasmiy bayonotida o‘yinning barcha ishtirokchilarini – futbolchilar, murabbiylar shtabi va xodimlarni himoya qilish ustuvorligini ta’kidlagan.

O‘rtoqlik uchrashuvi sanasi va joyi hozircha o‘zgarmayapti. Yakuniy qaror tegishli organlarning tavsiyalari va mintaqadagi umumiy vaziyatni hisobga olgan holda keyinroq e’lon qilinadi.