Polsha Rossiya bilan urushga tayyorlanmoqda

Polsha Rossiya bilan mumkin bo‘lgan urushga tayyorgarlik ko‘rish maqsadida mudofaasini kuchaytirmoqda. Bu haqda “War Infographics” xabar berdi. 

Ma’lum qilinishicha, Polsha mudofaa byudjetini so‘nggi ikki yil ichida 2022 yilga nisbatan uch baravarga oshirgan. Mamlakat raketa va artilleriya tizimlari kabi qurol-aslaha xaridlarini ham ko‘paytirgan. Varshava harbiy qarama-qarshilikni real ssenariy sifatida ko‘rib chiqayotganini ta’kidlamoqda.

Markaziy Polsha himoyasiga ko‘ra, mamlakat so‘nggi yillarda faqatgina qurollanishni kuchaytirmoqda emas, balki bu jarayonning boshlanishi kamida o‘tgan 10 yil davomida amalga oshirilgan. Shu bilan birga, e’tibor faqatgina harbiy texnikani sotib olish va ishlab chiqarishga emas, balki keng qamrovli va tizimli yondashuvga qaratilgan.

“Shuningdek, bu yil qurolli kuchlar sonini 100 ming nafarga oshirish (298 ming kishiga yetkazish) rejalashtirilgan. Uzoq muddatli maqsad – 500 ming. Juda to‘g‘ri siyosat. Yevropa Ittifoqidagi deyarli yagona davlatki, u mavjud tahdidlarga nisbatan tizimli va to‘g‘ri siyosat olib bormoqda, haqiqatni ko‘rgan holda”, deya o‘z ijtimoiy tarmoqlarida yozgan mamlakat rasmiylaridan biri.

Qolaversa, o‘tgan oyda Polshada mamlakat fuqarolarini urush holatlariga tayyorlash maqsadida maxsus yo‘riqnoma taqdim etilishi haqida ma’lum qilingan.

Eslatib o‘tamiz, avvalroq Polsha Rossiya va Belarus bilan chegarasiga milliontagacha piyoda askarlarga qarshi minalar joylashtirishni rejalashtirayotgani haqida xabar berilgan edi.