Pedofil va ekstremistlarning Qozog‘istonga kirishi taqiqlandi
Olam
−
17 may 2300
Qozog‘iston Prezidenti Qosim-Jomart To‘qayev pedofillar hamda ekstremizm va terrorizmga aloqador shaxslarning respublikaga kirishini taqiqlovchi qonunni imzoladi. Bu haqda davlat rahbarining matbuot xizmati xabar berdi.
Qonunda quyidagi normalar nazarda tutilgan:
- jazoni ijro etish tizimi muassasalari, tergov izolyatorlari va vaqtincha saqlash hibsxonalaridagi videokuzatuv tizimlariga shikast yetkazganlik uchun jinoiy javobgarlik;
- hukumat tomonidan belgilangan hududlarga ko‘chib o‘tayotgan shaxslarga dehqon yoki fermer xo‘jaligini yuritish uchun yer uchastkalari beriladi;
- Ko‘chirilgan shaxslarga va ularning oila a’zolariga ko‘chirish uchun subsidiyalar, uy-joy ijarasi xarajatlarini qoplash, kommunal to‘lovlar, shuningdek, iqtisodiy harakatchanlik guvohnomalari shaklida davlat tomonidan qo‘llab-quvvatlash shaklida moddiy yordam ko‘rsatish nazarda tutilmoqda;
- mamlakat fuqaroligiga qabul qilishni rad etish va qayta tiklash uchun yangi asoslar – voyaga yetmaganlarning jinsiy daxlsizligiga qarshi jinoyatlar sodir etish, davlat tilini boshlang‘ich darajada bilmaslik, Qozog‘iston Konstitutsiyasi va tarixi asoslari;
- Ko‘p martalik investor vizasi va talabga ega bo‘lgan kasb egalari uchun Qozog‘istonda doimiy yashash uchun ruxsatnoma olish huquqini beruvchi vizalar joriy etiladi;
- Ekstremistik yoki terroristik tashkilotga aloqador, takroran jinoyat sodir etgan, uyushgan jinoiy guruhda yetakchi mavqeni egallagan, voyaga yetmaganlarning jinsiy daxlsizligiga qarshi jinoyatlar sodir etgan, shuningdek, og‘ir yoki o‘ta og‘ir jinoyat sodir etgan va xalqaro shartnomalar asosida fuqaroligi bo‘lgan davlatga o‘tkazilgan shaxslarni kirishi taqiqlandi.
Qonunda aholi migratsiyasi sohasidagi qonunchilikni yanada takomillashtirishga qaratilgan boshqa tuzatishlar ham nazarda tutilgan.
Live
Barchasi
